[沒有肺炎時]倫敦隱世日式小咖啡店 - 英適生活 - 英國生活指南

作者：大糖菓子

倫敦距離東京9,582km，要飛12個鐘。搬來英國後，就無咁容易去日本旅行喇。

不過根據TripAdvisor，成個倫敦總共有近800間日本餐廳或Cafe，如果你同我一樣熱愛日本嘢，都唔洗擔心嚟到冇得食～

東倫敦隱世小店

今日行過Regent's Canel意外發現這間日式小咖啡店，在google map見到餐牌上面有抹茶甜品同飲料。我本身係抹茶控，就決定要試一試。咖啡店好近Haggerson Overground站，亦在Canel旁邊，只要由Kingsland Basin條小路入，走到最盡頭就會見到。呢間咖啡店戶外環境非常優美，Kingsland Basin泊左幾架Canal Boats，成個感覺好綠化，而且佢位於Canal轉入去嘅小巷中，所以比較寧靜，好適合想靜靜地嘆杯茶，睇本書，放下空嘅人。

黑芝麻Latte有驚喜？

佢個餐牌都幾多選擇，由飯團同多士到主菜的烏冬／蕎麥麵都有，亦提供是日定食。我覺得價錢以倫敦食日本嘢嚟講唔算貴，不過份量比較細，可能當Tea食比較適合。我地今次叫咗個冷蕎麥麵加芝麻雞(Sesame Chicken)，同埋Meal Set B (Mozuku)。另外點了杯黑芝麻拿鐵(Black Sesame Latte)，同埋抹茶紅豆刨冰(Matcha Shaved Ice)。食物味道唔錯，比較清淡但真日式調味，亦附上日式餐具。黑芝麻拿鐵有驚喜，因為個芝麻好香，味道好出。埋單總共£21.7。臨走我地仲叫多咗兩個飯團(Pork Miso/Tuna Mayo)外賣，£2.5 一個，好食但材料唔多，當過下口癮。我亦買咗支日式芝麻沙律醬，格過價賣得平過超市(£2.9 150ml)。