喺英國每年10、11月左右，就會見到好多人衫上面會扣住一朵紅色類似罌粟花(Poppy)嘅裝飾，大家或者都留意到喺11月前後英超比賽時啲球員波衫上都會有印住紅色Poppy標誌。
由來
其實佢地係紀念緊每年11月11號嘅Remembrance day，中文又稱和平紀念日、停戰日或國殤日，係英聯邦國家為咗紀念喺第一、二次世界大戰或其他戰爭犧牲嘅士兵同平民，由1919年創立直到依家，每年傳統依舊。
紀念活動
普遍英國人都好尊重呢個時節，去為佢地國家嘅英雄作致敬。
除咗佩戴裝飾之外，國家亦會將每年離11月11日最近嘅星期日（11月第二個星期日）訂為「國殤星期日」舉行紀念儀式；11月11日當日上午11點，亦會再默哀或部分城市嗚炮敬禮。筆者公司亦會喺果陣進行兩分鐘默哀，大家停低手上工作向國家英雄作tribute。
其他支援
除咗以上較大型紀念活動外，喺火車站及部分商場、high street亦會有唔同嘅義賣（Poppy裝飾等）同埋籌款，以支援退伍軍人等等嘅組織。
好多事，發生咗就係發生咗，無論過咗幾耐，人民都不會忘記。
